Magpa-refund sa gipalit nga yuta

Dear Atty. Divine,

Duna ko’y gipalit nga yuta sa probinsya pinaagi sa installment ug payable within 5 years. Ang total purchase price is P2 million ug kapin na sa duha ka tuig ko nga nakabayad sa monthly installment.

Karong bag-o, ang akong bana nasakit ug need na siya nga mopahuway sa trabaho hangtud nga siya maulian gyud sa iyang sakit.

Tungod niini nagplano mi nga dili na lang namo ipadayon sa pagpalit ang maong property tungod sa among financial problem.

Ang akong pangutana kon pwede ba ko nga magpa-refund sa akong nabayad sa maong property? Unsay angayan nako nga buhaton? Daghang salamat. — Sylvia

Dear Sylvia,

Base sa Maceda law, ang balaod may labot sa pagpalit og real property pinaagi sa installment, kini nagkanayon nga kon imong ipa-cancel ang imong Contract to Sell mahimo ka nga mo-demand og refund gikan sa Seller apan base sa maong balaod, 50% lang ang imong makuha nga refund, provided nga nakabayad na ka sa maong installment sud sa 24 ka buwan .

Kon pananglit 23 ka buwan and below ra ang imong nabayad, hayan maglisud ka sa pagpa-refund kay ang balaod nagkanayon nga kinahanglan nga 24 months or more ang nabayad na sa buyer una ang buyer maka-demand og refund kon iyang ipa-cancel ang iyang kontrata.

Ang maayo nimo nga buhaton mao ang pagpahibawo sa seller labot sa imong plano pag-cancel sa inyong kontrata ug mo-demand ka og  refund. Apan kutob ra gyud sa 50% sa imong nabayad ang imong makuha.Thanks and God bless!- Atty Divine