Tubid mipasidaan

Mipasidaan ang veteran slasher nga si Ronald Tubid sa ubang PBA teams nga dili sayun-sayunon ang Kia Picanto tungod kay plano nila nga mosurpresa sa liga sa pagbukas sa 43rd season sa PBA.

Si Tubid usa karon sa mga sinaligan sa Kia human siya gi-trade gikan sa San Miguel Beermen uban nila ni Jay-R Reyes ug Rashawn McCarthy bugti sa No.1 pick sa Kia.

Mga Pinoy gidemalas

Way bisan usa ka Pinoy mixed martial arts fighter nga midaog sa One Championship fight card nga gipahigayun didto sa Bangkok, Thailand niadtong Sabado sa gabii.

Pulos nakatilaw og kapildehan batok sa tagsa-tagsa nila ka mga langyawng kaatbang sila si Cebuano Jimmy Yabo, Rabin Catalan ug mga female fighters nga sila si April Osenio ug Rome Trinidad.

Balay ni Bosh gi-raid

Usa ang balay ni kanhi NBA star Chris Bosh sa mga gi-raid sa mga sakop sa kapolisan didto sa Texas. Dili hinuon si Bosh ang gipangita sa mga kapolisan kun di ang iyang inahan nga usa sa mga gitan-aw nga nalambigit sa ilegal nga drugas.