Health habits sa mga centenarians

Sa usa ka pagdukidoki uban sa 20,000 ka Briton nga ang resulta napublikar sa British Medical Journal, nakita nga ang makapataas o makapakutlo sa kinabuhi, dili ang genes, kon dili, ang “how well you live.”

Sa ato pa, ang atong lifestyle, kon giunsa nato pagpakabuhi ug pagpuyo ang atong kinabuhi, maoy maka-determine kon mo-age ba kita gracefully. Sa ato na nga nahisgotan dinhi, tulo lang ka butang ang angay buhaton kon buot kitang kalugwayan ang atong pagpuyo ning kalibutana.  

Ang tulo, atong kutloon, sumala sa nakita sa research: “being active for 30 minutes a day; eating five daily servings of fruits and vegetables, and avoiding cigarettes and excess alcohol. “ Simple ra kaayo, apan ato lang ni nga gi-take for granted. Atong usbon, for emphasis: Keep physically active, at least for 30 minutes kada adlaw. Sa ato pa, dili magtapol, dili magmika. Unya, kaon regularly og prutas ug utan; ug likayi ang sigarilyo ug subra nga pag-inom sa alak nga makahubog.

Mao nga kon wala kay physical activity matag adlaw, dili ka mokaon og prutas ug utan, hinigarilyo ka ug palahubog, ayaw pagpaabot nga madugay ka ning kalibutana. Hinoon, unsa man sa’y atong dugayan ning kalibutana nga puno sa problema, dili gani makasulbad sa suliran sa trapiko ug sa druga. Unya, pakapinan pa’s corruption.

Laing nakita sa mga researcher nga kuno: “the centenarians tend to share certain traits in how they eat, move about, and deal with stress.” Kinaiya sa mga centenarian nga angay kuno natong sundon, kon buot kita nga mo-improve ang atong ageing process.

Ang Boston University School of Medicine misugyot ning mosunod: 1.) Don’t retire from active lifestyle. Kasagaran nato, tapus sa retirement, mo-retire usab kita gikan sa naandan natong healthy lifestyle.

Gumikan niini, ning atong pagpahuway gikan sa panarbaho, “the incidence of obesity and chronic disease skyrockets.” So, kay wa ta’y lihoklihok, manambok kita,  modako ang atong tiyan, ug dali kita nga takboyan sa sakit. Sa atong gibalikbalik dinhi, just keep yourself busy every day.

2.) Floss every day, kon mahimo kaduha sa usa ka adlaw. Matud pa, ang kagaw o bacteria sa atong baba ug sa mga gums, mosulod sa atong bloodstream nga maka-trigger sa inflammation sa mga arteries nga moresulta sa sakit sa kasingkasing.

Wa man kaayo ta maanad paggamit og floss, perhaps, mahimo tingali ang regular nga pag-toothbrush ug ang pagpanotpik.

3.) Move around. Exercise, socialize, tambong sa mga meeting sa inyong chapter.  4.) Eat a fiber-rich cereal for breakfast.