Mga na-remate nga butang ipalukat
CEBU, Philippines — Nipasalig si Cebu City Mayor Tomas Osmeña nga mopirma sa ordinansa nga napasar sa konseho nga maghatag og dalan sa mga real property owners nga makalukat sa mga gi-embargo nga kabtangan.
Matud ni Osmeña nga pabor siya nga aprubahan ang ordinansa kay maghatag kini og higayon sa siyudad nga makakolekta og buhis.
Si Osmeña niingon nga dili lang pagkolekta og buhis ang tinguha niini apan lakip na ang paghatag og higayon sa mga tag-iya nga makuha og balik ang ilang propridad.
“Sure, because it’s kinda painful to lose property because you don’t pay your taxes, I will look into that and give them a chance to pay their taxes, I don’t like to steal other people’s property man gyud,” sigun ni Osmeña.
Ang ordinansa gipangamahanan ni Konsehal Jose Daluz III nga nag-establisar og one-year redemption period sa na-remate nga kabtangan nga ipatuman kun marehistro ang Certificate of Sales o Declaration of Forfeiture sa City Register of Deeds.
Base sa record sa City Treasurer’s Office, moabot sa 639 ka forfeited real property units (RPU) pabor sa kagamhanan sa siyudad.
Kung mapasar ang maong ordinansahon, si Daluz niingon nga ang kagamhanan sa siyudad makakolekta og moabot sa P270 milyones nga delinquency taxes sa mga RPU owners.
Dugang sa konsehal nga ang maong kantidad gilauman nga mosaka kay wala’y labot niini ang taxes human ang property na-forfeited pabor sa siyudad. Sa 639 ka forfeited RPU, 333 units ang yuta, 276 ang buildings ug 30 units sa machineries. (BANAT NEWS)ggg
- Latest
