Magic ng Yelo sa Na-deform na Carpet
Hindi maiiwasan na ma-deform o magmarka sa carpet kapag napatungan ito ng kasangkapan sa matagal na panahon. Kung nagbabalak kayong maglipat o mag-rearrange at nangyari ito, ‘wag mangamba dahil yelo lang ang solusyon dito.
Kumuha ng yelo at ipatong ito sa parte ng carpet na napipi at na-deform. Hintaying matunaw ang yelo at ma-absorb ng carpet ang tubig. Sa pag-absorb ng carpet ng tubig ay babalik ito sa dating anyo. Kung mayroon pa ring marka at deformed pa rin, maaari namang gumamit ng hard bristle brush para bumalik ito sa dating porma.
Hindi kinakailangang bumili ng bago o itapon ang carpet dahil lang na-deform ito ng kasangkapang matagal na nakapatong. May paraan pa para ito maibalik sa dating anyo sa tulong ng yelo.
Ito po ang inyong Kumpunerong Kuya na nagsasabing, kung gusto maraming paraan!
- Latest
