Sa landong sa hayag nga buwan

Huwebes niadto unta ko sa siyudad kay birthday sa akong amigo nga si Engr.  Reynaldo Luengo. Apan sa dihang nihapit ko sa kumbento aron ibilin ang saging ug uban pa akong nasuta nga akong working babaye mao rang usa. Nanglakaw ang tanan mao nga wala na lang ko modayon hinunoa sa may hataas nga bukid ako mikatkat aron sud-ongon ang hayag sa buwan. Mingaw ang palibot gangis lang ang madungog. Apan sa maong kamingaw natagik ang pamalandong sa dakong bili sa kahilom. Apan sa laing bahin ang kamingaw tabunok kaayo nga materyal sa pagtidlom ug matud pa ni Diarmuid O Murchu nga aron makab-ot ang kausaban sa katilingban dunay butang nga usbon kini ang paagi nga kita magtinguha. Kay pinaagi lang sa paggambalay og hustong tinguha nan, molihok kita og husto pud nga mga butang.