Surplus sakyanan nasunog

CEBU, Philippines - Naugdaw ang pipila ka mga surplus nga sakyanan human niulbo ang sunog sa Superior Motors Corporation sa Tingub, Dakbayan sa Mandaue kagahapon sa kadlawon.

Ang naugdaw mao ang wing van ug mga multi-cabs nga ayuhonon unta diin gibana-bana sa kabomberuhan ang danyos nga mokabat sa P200,000.

Electrical short circuit ang gituohang hinungdan sa sunog human ang welding machine wala naibot gikan sa outlet human sa paggamit niini. (BANAT NEWS)