Hubog nanghagis gipusil patay

CEBU, Philippines - Gipusil patay ang usa ka hubog nga nanghasi sa Riverside, Labangon, Dakbayan sa Sugbo kagahapon sa kadlawon.

Ang biktima mao si Samuel Hernando Paclauna, 49, usa ka jeepney driver nga taga Villa Kalubihan, San Nicolas.

Base sa pakisusi sa anak sa biktima nga si Junrex Paclauna nga ang iyang amahan hubog nga niadto sa balay sa iyang bayaw.

Gipasidan-an siya sa kapuyo sa iyang bayaw nga mopahawa apan padayon kining nanghagis ug nangisog.

Taudtaud may niabot nga motor ug walay langan gipusil sa nagsakay ang biktima igo sa tiyan ug sa tuong kilid sa iyang hawak.

Dali nga nakasibat ang namusil ug gituohang dumot ang hinungdan. Rhena Pizarra (BANAT NEWS)