Australyano napalgang patay

CEBU, Philippines - Napalgang patay sa iyang apartment ang usa ka Australian national kagahapon sa buntag.  Ang Scene of the Crime Operatives naabot sa usa ka apartment sa Brgy Labangon sa Dakbayan sa Sugbo alas 10 sa buntag kagahapon. Ang namatay mao si Paul Douglas McBlane, 53 anyos. Sumala ni SPO2 Romel Bancog, imbistigador sa Cebu City Police Office Homicide Section, nga walay foul play ang nahitabo.

Gibutyag sa fiancé sa biktima nga si Jessa Lavitad, nga adunay sakit sa kasing-kasing si Mcblane gani aduna na kini pacemaker. Dugang niya nga pagmata niya, patay na ang iyang fiancée hinungdan nga nangayo siya og tabang sa mga silingan.

Gipaabot sa kapolisan ang autopsy report aron mahibaw-an ang gikamatyan sa langyaw. (BANAT NEWS)