10 arestado sa drug den

PAMPANGA, Philippines – Kalaboso ang binagsakan ng sampung tulak-droga makaraang ilatag ang buy-bust operation ng mga operatiba ng Criminal Investigation and Detection Team CIDT-3 Pampanga, at PDEA-Region 3 sa isang bahay na ginawang drug den sa Barangay Balibago, Angeles City, Pampanga noong Biyernes ng gabi. Sa report na nakarating kay P/Chief Insp. Reynold B. Macabitas, hepe ng CIDG-Pampanga, kinilala ang mga suspek na sina Gener Jacinto, Romeo Cabilio, Joshua Serrano, Henry Pangan, Ma.Theresa Gumban, Carmina Pineda, Aimee Tendenilla, Refena Angelio, Rhodes Maglalang, at si Gemma De Guzman. Dakong alas-8:30 ng gabi nang salakayin ng mga awtoridad ang bahay na sinasabing drug den kung saan naaktuhan ang mga suspek na sumisinghot ng shabu. Nasamsam sa mga suspek ang 2 plastic sachet ng shabu, 3 plastic sachet ng marijuana, mga drug pharapernalia, P500 cash na marked money.