Dengue ra, way chikungunya sa Toledo
CEBU, Philippines - Walay natala nga kaso sa chikungunya ang Dakbayan sa Toledo bisan pa man og daghan kining kaso sa dengue.
Kini ang gipahibawo sa kadagkuan sa Toledo City Health Department.
Ang chikungunya usa ka klase sa sakit nga makuha sa lamok nga nagdala og virus.
Nunot niini nanawagan si Dr. Bonito Zanoria, labaw sa CHD sa Toledo, sa katawhan sa paghinumdum sa “4 S” aron malikayan ang sakit nga mugna sa pagpaak sa lamok.
Kini nagpasabot sa “search and destroy, self-protection measures, seek early consultation and say yes to misting.”
Sa nakalabay nga buwan nabutang ang dakbayan sa top 5 nga adunay labing daghan nga kaso sa dengue.
Sa nangaging buwan adunay natala nga kaso sa chikungunya sa lungsod sa Pinamungajan ug Balamban nga mga kasikbit sa Toledo.
Gideklarar na usab sa Provincial Health Office ang dengue outbreak sa lalawigan sa Sugbo. (BANAT NEWS)
- Latest
