10th Pink October Run sa October 16
CEBU, Philippines - Nahan-ay na ang tanan alang sa pagpahigayon sa ikanapu nga edisyon sa Pink October Run nga mosikad sa Oktubre 16 diha sa The Terraces sa Ayala Center-Cebu.
Ang maong lumba usa ka “awareness” event kabahin sa sakit nga breast cancer. Gilangkuban kini sa 12K, 6K, 3K ug 3K group categories.
“This running event has really created awareness to people about breast cancer. We are doing this event to save more people,” matud pa ni race organizer Dr. Peter Mancao.
“The survival rate is high regarding this disease if a person will undergo early examination.”
Sama sa mga miaging edisyon, wala kini ganting salapi, apan aduna sila special nga ganti ilabi na ngadto sa mogawas nga “pinkest” runner sa lalaki ug babaye.
May libreng medical check-up sab alang sa mga partisipante human sa lumba.
Ang registration fee nagkantidad og P400 sa tanang kategoriya. Mahimong magparehistro didto sa Active Zone sa Ayala Center-Cebu. (BANAT PALARO)
- Latest
