Halad alang sa mga senior citizen

CEBU, Philippines - Mokabat ngadto sa 30 mil ka senior citizens ang nakabenipisyo sa “Halad kang Lolo ug Lola” sukad niadtong buwan sa Enero hangtud Abril niining tuiga. Ang mga senior citizen nakadawat og mga hinabang sama sa bugas, delata ug uban pa.

Sa dakbayan sa Toledo mikabat sa 2,544 ang nakadawat; sa lungsod sa Barili 4,309 diin 2,089 niini niadtong buwan sa Enero ug 2,215 sa buwan sa Marso; 1,544 sa lungsod sa Balamban; 1,333 sa lungsod sa Alcantara; 2,226 sa lungsod sa Liloan; 2, 262 sa lungsod sa Madridejos; 6,691 sa lungsod sa Bantayan; 2,891 sa lungsod sa Santa Fe; 4,500 sa lungsod sa Medellin.

Samtang sukad niadtong Pebrero hangtud sa Mayo niining tuiga mikabat sa 641 ka tawo ang napaubos sa livelihood training program sa lalawigan nga gilangkuban sa meat processing, soap making ug candle making.

Ang budget sa pagpaubos sa maong mga training nagagikan sa buhatan sa bise gobernador. (BANAT NEWS)