Mga tinuod nga bakak (2)
Ania pa ang dugang mga tinuod nga bakak nga atong nahagpat gikan sa basahong Reader's digest nga matud pa;
* Mga tawo ug dinosauros — 41% sa mga hamtong nga Amerikanhon, nagtuo nga kadungan nga eksistido na ang tawo ug dinosauros, apan ang tinuod ang ilang panag-abot midistansya pa ang 64 milyones ka tuig.
* Kita duna lay 5 ka pamatyag (senses) — Apan ang ubang mga sayantis mi-insister nga 21, lakip na niini ang pagbalanse, kasakit, ug temperatura.
* "Lainlaing parte sa dila" — Wa kini laing mga parte sa dila, alang sa pagtilaw sa kapait, tam-is, aslom, parat, lamian o maayong kaonon.
* "Si Einstein nahagbong sa math" — Wala, nahagbong lang siya sa 'entrance exams' apan siya gihapon ang nanghawod sa math.
* "Mga saging motubo ning punoan sa kahoy" —Dili sab kay motubo man ning isip dagkong sagbot sa kabugangan nga masaypan nga punoan sa kahoy.
* "Ang gatas makapadaghan sa plema (mucos)" —Dili na tinuod, busa wala'y angay kabalak-an kun moinom kita og gatas.
* "Mga kwaknit (bats) dili makakita" — Di 'sab kay ang kwaknit dili lang igo makakita, kundi makahibalo gihapon sa kisaw o dahunog sa layong di makita.
* "7ka tuig mahilis ang 'chewing gum" — Ang gumahon ini dili mahilis, igawas ra kini sa pagkalibang apan ang uban niini natuhop sa lawas.
* "Ang alcohol makapainit sa lawas" —makapabahar hinuon ni's pagpainit sa selyula sa dugo, maong imposible kay mous-os man ang temperatura sa lawas.
* "Ang bakuna maka-'autistic" —Kabalaka ning gibase sa di tinuod nga 'research'. Nga nagpakita nga kini pulos mga maniubrada lang o pangdaut.
* "Sa alcohol mangamatay ang mga selyula sa utok" —Bisan pa'g alkoholik, di mamatay ang mga selyula sa utok, hinuon ang utok madaut o mayabag lang.
- Latest
