Pagkolekta sa basura ipa-privatized
CEBU, Philippines - Pagkolekta sa basura sa Dakbayan sa Mandaue gusto nga ipa-privatized aron mas mamahimong epektibo sumala pa ni mayoralty candidate Emmarie “Lolypop” Ouano-Dizon.
Gibutyag ni Lolypop nga nangreklamo ang kabarangayan tungod kay tagduha ka semana nga wa makolekta ang basura kay naguba ang garbage trucks sa barangay.
Kun mangolekta man apan dili malukop og suroy ang 27 ka barangay.
Ang nakita niyang solusyon mao ang pagtahas sa pagkolekta sa basura sa mga pribadong kompanya tungod kay igo na lang sila tawagon. Matud niya kinahanglan motabang ang barangay niini.
Gibutyag ni Lolypop nga problema pa gihapon hangtud karon sa Mandaue ang garbage segregation gikan sa malata ug dili malata.
Dunay mga barangay nga walay Material Recovery Facility (MRF) ug dunay dili gyud magbahig. Matud usab ni Lolypop nga ang pagsulbad sa maong problema kinahanglan nga ang tanan niini magtinabangay ug nagkinahanglan usab kini og political will sa mga lider sa barangay.
Gawas niini buot niyang ma-revive ang Butuanon River ug ang mga illegal settlers nga nagpuyo daplin sa maong sapa ibalhin sa mas luwas nga mga dapit.
Matud ni Lolypop nga nakaya sa Iloilo ug Marikina ang pag-revive sa sapa diha sa ilang lugar buot pasabot nga mahimo usab kini sa Mandaue. (BANAT NEWS)
- Latest
