Beda tinapik si Lapus para sa bonggang opening ng NCAA

MANILA, Philippines - Inihahanda ng season host San Beda College ang magarbong palabas sa pagbubukas ng NCAA Season 92 sa Hunyo 25 sa Mall of Asia Arena sa Pasay City.

Ayon kay Management Committee chairman Jose Mari Lacson, kinuha ng San Beda ang beteranong direktor na si Roxanne Lapus upang matiyak ang engrandeng opening cere­monies na gaganapin sa ala-una ng hapon.

“It’s going to be an exci­ting opening,” paniniyak ni Lacson sa turnover cere­mony na ginanap sa Pearl Hotel sa Maynila

Matapos ang programa, agad na magkakasubukan ang reigning champion Colegio de San Juan de Letran at runner-up San Beda College sa paglarga ng men’s basketball tournament sa tampok na laro sa alas-4 habang masisilayan naman ang salpukan ng Jose Rizal University at Mapua Institute of Technology sa alas-2.

Lalaruin ang elimination round games tuwing Lunes, Martes at Biyernes sa The Arena sa San Juan  City habang ang Final Four at ang best-of-three championship series ay idaraos naman sa MOA Arena.

Naniniwala naman si Season 91 president Dr. Reynaldo Vea ng Mapua na magiging matagumpay ang pagtataguyod ng San Beda sa taong ito. (CCo)