#10 Little Things that Mean a Lot to Kids
1-Nakita niyang ininom mo ang walang lasang juice na tinimpla nila.
2-Ang drowing niyang flowers sa pad paper, nakita niyang idispley mo sa iyong wallet.
3-Binuksan niya ang inyong refrigerator at nahuli mong nagpapalamig siya. Nagtawa ka sa halip na magalit.
4-Nagtuhog siya ng sarisaring beads para gawing kuwintas para sa iyo. Anong ligaya ng anak mo nang makitang suot mo ito sa iyong pagpasok sa trabaho. Kapag hindi na niya nakikita, saka mo na lang tanggalin ang regalong kuwintas.
5-Kapag ang mag-asawa ay aksidenteng nakita ng anak na nag-aaway, be sure na ipakita n’yo rin nang kayo ay nagbati.
6-Huwag gawing malaking isyu ang makalat niyang kuwarto. Pakaswal mong sabihan siya ng: Anak, pakiayos lang ang kuwarto. Mas mabilis mahiya ang bata kung tinatrato mo siyang adult at hindi ka nagsusungit.
7-Hayaang paminsan-minsan ay maglaro siya ng hindi gagamit ng laruan: magtakbuhan sa ilalim ng ulan, laruin ang tubig mula sa garden hose, putik sa larong lutu-lutuan.
8-Magpaturo sa anak na toddler kung paano i-operate ang bubble gun. Kapag kunwari ay natuto ka na, purihin mo ang iyong anak na mahusay siyang titser.
9-Sadya mong iparinig sa kanya na pinupuri mo siya sa harap ng ibang tao.
10-I-print ang kanilang photo para may pisikal silang litrato na makikita kapag malalaki na sila.
- Latest
