2 drug pusher dedo sa barilan
RIZAL, Philippines – Patay ang dalawang drug pusher matapos makipagbarilan sa mga operatiba ng pulisya sa inilatag na PNP checkpoint sa C6 Road sa Barangay Gitnang Bayan Uno sa bayan ng San Mateo, Rizal, kahapon ng madaling araw.
Kasalukuyang bineberipika ang pagkakakilanlan ng dalawa na may edad 25 hanggang 30, kapwa kayumanggi, may taas 5’5 -5’6.
Sa police report na isinumiti kay P/Supt. Ruben Marte Piquero, hepe ng San Mateo PNP, dakong alas-3 ng madaling araw ay tinangkang pahintuin ng pulisya sa checkpoint ang dalawang nakamotorsiklo.
Subalit pinutukan ang mga operatiba ng pulisya na humantong sa shootout kung saan napatay ang dalawa.
Nasamsam sa dalawa ang 2 cal. 38 revolver, 5 plastic sachet ng shabu, mga drug paraphernalia at ang motorsiklo na walang plaka.
- Latest
