Meralco batok T'nT

CEBU, Philippines – Paningkamotan sa Meralco Bolts nga modaog  sa ilang duwa karon aron dili mabutang sa ilawom nga dapit sa standing  sa PBA Philippine Cup nga usa unya sa labing ngil-ad nilang sugod sa ilang prangkisa.

Ang Bolts nga adunay 0-2 nga baraha makigsangka  batok sa igsuon nilang koponan  Talk ‘N Text Tropang Texters sa alas-4 sa hapon didto sa Philsports Arena.

Ang Meralco napilde og mga sikit nga duwa batok sa San Miguel Beermen ug Blackwater Elite  nga nakapaalarma ni coach Norman Black ilabi na nga mas gipalig-on unta ilang koponan karon nga season.

Itugyan gihapon ni Black ang iyang pagsalig ngadto    nilang Jared Dillinger, Gary David, Cliff Hodge ug Jimmy Alapag. Masentro sa depensa sa Meralco ang Gilas Pilipinas mainstay nga si Jayson Castro ug rookies nga sila si Moala Tautuaa ug Troy Rosario. (BANAT NEWS)