Money

Kada adlaw, inig ukay nako sa akong Facebook newsfeed, imposibli kaayo kun walay magyawyaw nga wala silay kwarta. Ang uban mupahungaw gyud nga lisud gyud matud pa ang kinabuhi, nga kun aduna lamang unta silay kwarta mas maayo unta ang pagkinabuhi. It’s all about the money money baby! Pakkk!

Pero kinsa man sab gyud tawon ang dili ganahan og kwarta? Mubalibad diay ka og grasya? Basta dili lang na kwarta sa hangin, dili bunga sa dautang pamaagi, pwes dawata. Ingon sila, money is evil. Dili baya. Kay admittedly magkinahanglan man gyud ta og kwarta, kitang tanan. It becomes evil only kun mao ni imong himuong hari. Yes, kay ingon si Pope Francis, “Money must serve God and others and not rule us.”

Lisud man gyud my dear okRYANians kay kuwang man gyud atong kwarta. Ang sweldo dili paigo alang sa panginahanglanon sa panimalay ug sa atong pamilya mismo. Tuition, allowance, food ug uban pa—tilaan ra gyud atong kinitaan tawon. Apan adunay usa ka sekreto nga hayan mamahimong epektibo nimo: Give more so that you will receive more.  Muingon mo, unsaon man nako paghatagan okRYAN nga ako mismo hatagan man gani? Ganahan ko mutabang apan unsaon man nga tabangunon man sab ko. Tinuod ka na!

Apan ang akong giingon nga give more and give more magdepende na sa imong kapasidad, sa imong makaya. Ang akoa gyung gitamdan mao nga 10% gyud sa imong kinitaan, o sa bisan unsa nga kantidad nga mutugpa sa imong mga kamot, kinahanglan nga ihatag gyud nimo sa Ginoo. “Give Caesar what is for Caesar.”   So kun ang imong sweldo P2000 a month, ilain gyud ang P200 niana ug maoy dad-a ngadto sa balay sa Ginoo. Suwayi lang og mga six months ug sultihi ko unsay mahitabo o masinati. Pakpak!

Naa man guy uban nga mahadlok mubuhi sa ilang kwarta kay maghunahuna sila nga makasabot ra ang Ginoo nila kay nakakita man siya unsa kalisud ang ilang kinabuhi. Tinuod ka na. Makasabot ang Ginoo pero para niya dili pa gyud hinog imong pagtuo niya, dili pa lig-on ang imong pagsalig niya. Nan, nganong iya mang tubagon ang imong gi-ampo niya, nga dili pa man ka andam gyud nga mutalikod sa imong mga kalibutanong mithi, nahadlok pa man ka mubuhi sa mga binuhatan niining kalibutan?

Nan karon kay Domingo man gyud ron, suwayi ang akong giingon. Ihatag sa Ginoo ang share niya nga 10% sa imong nadawat nga sweldo karong buwana and be surprised. Ayaw siya’g hatagi og coins uy kay coins ra sab ang mubalik nimo. Pakkk! Pero tinuod ka na! “You reap what you sow,” remember? And by the day, inig hatag nimo sa imong 10% share ngadto sa Ginoo pinaagi sa pagdala niana ngadto sa iyang pinuy-anan, pil-a na, ayaw ibandera kay kun mao ka na, hinambog ra nang imoha. Bible says, “Do not let your right hand know what your left hand is doing.” Igo na nga nakakita ang Ginoo pilay kantidad sa imong gihatag niya kay siya ra man sab gyud ang mu-doble o mu-triple ana sa tukmang panahon. Vasta trust me, something beautiful will happen to you and your pocket kun dili ka magpanuko paghatag ngadto sa Ginoo sa iyang bahin, sugod karon. Basta ha, sikretoha ra, ayaw ibandera, ayaw panabi nga mao nay imong donation o gihatag sa collection atol sa offertory. Sikreto ra gyud para mas epektibo! Pakpak!

Pinay ang International Queen

Ang pambato sa Pilipinas nga si Trixie Maristela maoy gikoronahan isip Miss International Queen 2015 didto sa Pattaya, Thailand niadtong Biyernes sa gabii. First Runner-up ang pambato sa Brazil ug 2nd Runner-up ang Thailand.

Gipildi ni Maristela ang 26 ka mga kandidata lakip na ang Eat Bulaga Super Sireyna 2013 nga si Francine Garcia ug ang Pinay transgender nga si Michelle Binas.

Nisalmot sab sa maong indigay ang Cebuana transgender nga si Ramfel Huggins kinsa maoy nakalangkat sa Best in National Costume award ug Best in Talent 1st Runner-up.

Si Maristela kasamtangan nga Miss Gay Manila ug talent sa Viva Artist Agency.

Ang Miss International Queen nagpangidaron na og 11 anyos ug maoy labing dako nga beauty pageant alang sa mga transgender sa tibuok kalibutan.

Daniel for Mar

Si Daniel Padilla ang gikuha ni Mar Roxas isip endorser niya sa iyang kandidatura pagka presidente. Naa na sa Youtube ang video diin makita nga gi-interview ni Daniel si Roxas kabahin matud pa sa mga pangutana sa kabatan-onan. Kahinumduman nga gikatahong ang AlDub ang gitanyagan sa kampo ni Roxas og P100M alang sa endorsement apan nibalibad kini. Gihimakak sab sa masig habig ang maong taho.

Nagpa-opaw!

Nagpa-opaw si JM de Guzman ug may kalabutan kini sa iyang gihimo nga pelikula karon. Suma pa niya, reinvention sab matud pa kini, sanglit ang mga “actor” mag-reinvent man sa ilang kaugalingon.

Bilib kaayo kang Julia

Nag-taping na si Sam Milby niadtong Biyernes alang sa iyang pagsulod sa ‘Doble Kara” nga gibituonan ni Julia Montes. Labihan nga nakadayeg ni Sam kang Julia kay niya pa, dili gyud basta-basta ang abilidad niini sa pag-arte.

Over fatigue

Nalandig sa tambalanan si Rocco Nacino niadtong Biyernes gumikan sa benign positional vertigo. Suma pa ni Rocco nga ang labihan nga ka kapoy ug ka ubos sa iyang immune system  tungod usab sa sige og trabaho maoy nakaingon sa iyang sitwasyon. Wala makalugwa sa set sa Beautiful Strangers si Rocco gumikan sa nahitabo.

Libiran for Pauleen

Si Francis Libiran ang mo mugna sa wedding gown ni Pauleen Luna alang sa kasal nila ni Vic Sotto karong Disyembre. Si Libiran, Filipino world class designer kinsa subling nilugwa sa America’s Next Top Model Cycle 22 niadtong nilabay nga adlaw isip featured designer.

50K ang nisaksi ni Alden!

Singkwenta mil (50,000) ang naghugop aron musaksi sa fans day ni Pambansang Bae Alden Richards didto sa Iloilo, City niadtong Biyernes sa gabii. Mismong ang kapolisan sa maong syudad ang nitino niining maong gidaghanon sa fans nga nagpunsisok sa venue. Suma pa sa GMA7 mao na kini ang labing dako nga gidaghanon sa mga nitan-aw sa usa ka solo star nga ilang gidala didto sa maong dakbayan.