Kapaliton

Dear Tita Salie,

Maayong adlaw. Ako diay si Narro Cabral, 19 na ang akong edad ug nagpuyo sa Barangay Mantalongon, Barili, Cebu. Daghang nindot nga palitonon ug kapaliton kaayo ko, pero wala intawo’y ikapalit ang akong ginikanan. Unsa ang akong buhaton? Pasabta ko.

* * *

Dear Narro,

Tinuod nga mangandoy kita sa pagpalit, ilabi na sa usa ka butang nga nindot apan medyo mahal. Apan unsaon nga wala may kuwarta ang imong mga ginikanan?

Kun ingon niana ang kahimtang, mas maayo nga ikaw ang mangita og paagi. Usa kini ka paagi nga makabarug ka sa imong kaugalingong paningkamot.

Pangita og trabaho, ug kun may trabaho ka na, makapalit ka na sa imong magustohan nga mga kinahanglanon ug maalamon usab ka nga mogamit sa imong salapi.

Apan timan-i nga importante usab ang kaalam. - Tita Salie