Sen. Bongbong pinag-iisipan kung tatakbong pres. sa 2016
MANILA, Philippines - Pinag-aaralan ni Sen. Ferdinand “Bongbong” Marcos Jr. ang posibleng pagtakbong pangulo sa darating na 2016 presidential elections.
Sinabi ni Sen. Marcos sa isang radio interview, kinokonsidera niya ang pagtakbo bilang pangulo pero mas nais niya sana na muling kumandidatong senator.
“Ang iniisip ko ay magre-reelection sa Senado. Iyon ang aking tinatawag na default plan,” wika ni Marcos.
“Pero siyempre maraming nagsasabi na dapat akong tumakbo, na kaya naman siguro manalo. Pinakikinggan ko silang lahat. Pag-aaralan natin nang mabuti iyan,” dagdag niya.
Sa latest Pulse Asia presidential survey, pang-anim si Marcos kung saan nanguna si Vice President Jejomar Binay, Sen. Grace Poe, Davao City Mayor Rodrigo Duterte, na kapantay sa ika-3 puwesto si Manila Mayor Joseph Estrada at Sen. Miriam Defensor Santiago.
- Latest
