Mga kaso sa drugas gibasura

CEBU, Philippines – Wala gikalipay ni Cebu City Vice Mayor Edagrdo Labella nga 35 sa 36 ka kaso sa ilegal nga drugas sa niaging tuig ang nabasura  base sa giduso nga report sa Cebu City Prosecutor’s Office ngadto sa Police Coordinating and Advisory Council. Si Labella kinsa pangulo sa PCAC miingon nga kinahanglan magpahigayun og summit ang kapolisan ug prosecutors sa saktong koordinasyon sa pag-handle sa mga kaso. Usa sa rason sa dismissal ang mishandling sa mga ebidensya.

Matud ni Labella nga naandan sa kapolisan ug sa prosecutors nga dili magkita sa dili pa ang hearing hinungdan nga dili preparado ang mga testigos.

“Prosecutors must have coordination with police officers at least the day of hearing kay ang ilaha karon, adto na sila magkita sa husgado diritso,” dugang niya.

Hinuon mapasalamaton si Labella sa Cebu City Police Office, Philippine Drug Enforcement Agency, ug ubang ahensiya nga nangusog aron hingpit nga masumpo ang ilegal nga drugas sa dakbayan sa Sugbo. – /GMR) (BANAT NEWS)