Magsasaka pinugutan ng kaalitan

TUGUEGARAO CITY, Cagayan, Philippines – Pinaniniwalaang alitan sa lupa at pagnanakaw ang isa sa motibo kaya pinahirapan at pinugutan ng mga di-kilalang lalaki ang 47-anyos na magsasaka sa Barangay Pata, bayan ng Claveria, Cagayan kamakalawa. Kinilala ni P/Senior Insp. Manuel Viloria, hepe ng Claveria PNP ang biktima na si Melanio Tabag ng nasabing barangay. Ayon kay Viloria, ang duguang katawan ni Tabag ay nadiskubre ng kanyang pinsan na si Artemio Caligan na sinasabing bumisita lamang sa kubo ng magsasaka. Natagpuan ang ulo ng biktima na nakababad sa maputik na kanal sa gitna ng palayan. IIang suspek ang natukoy na ng pulisya at  kasalukuyang inilatag na ang operasyon para masakote ang mga ito.