Derek nakatali pa sa TV5

SEEN: Special guest si Sandara Park sa kasal nina Joross Gamboa at Katz Saga noong Sabado sa Fernbrook Gardens, New Alabang. Tinupad ni Sandara ang pangako na dadalo sa kasal ni Joross na kapwa niya contestant noong 2004 sa Star Circle Quest ng ABS-CBN.

SCENE: Hindi napigilan ng audience ang sumayaw sa Total Balik Tugtugan, ang successful concert ni Ogie Alcasid noong Sabado sa Grand Ballroom ng Solaire Resort & Casino.

SEEN: Kumpirmado ang pagdalo ni Francisco Javier Gracia sa kasal ng kanyang anak na si Marian Rivera kay Dingdong Dantes. Residente ng Madrid, Spain ang ama ni Marian.

SCENE: Si Kris Aquino sa SM Aura. Nag-taping si Kris sa isang restaurant dito para sa episode ng Kris TV.

SEEN: Sa second week ng December ang taping nina Robin Padilla at Mariel Rodriguez para sa grand finals ng Talentadong Pinoy ng TV5.

SCENE: Si Empoy Marquez ang co-star ni Derek Ramsay sa Mac and Chiz ng TV5. Ang Mac and Chiz ang kauna-unahang TV sitcom project ni Derek.