Humalo sa Lupa ang Boyfriend

Panaginip: Madilim ang loob ng bahay dahil gray ang kulay ng pintura. Dumating ang aking boyfriend na pulos putik ang katawan. Lumapit ito sa akin pero lumayo ako dahil ayokong mapadikit sa kanyang putikang katawan. Tumakbo siya sa garden. Napansin kong unti-unti siyang nalulusaw at humahalo sa lupa.- Trish

Interpretation: Ang madilim na bahay o gray na pintura ay simbolo ng damdamin mo sa iyong boyfriend. Nawala na ang init ng iyong pagmamahal na pinatunayan doon sa eksenang pasimple kang lumayo nang lumapit ito sa iyo dahil nadidiri ka. Gusto mo nang tapusin ang pakikipagrelasyon sa kanya pero natatakot ka sa maaaring maging resulta nito. Wish mo lang na mawala na sana siya sa iyong buhay.