Nobyembre 11, 2014

Pagtitibay: Salamat sa lakas at grasya ng Dios, lahat ay nalalampasan ko.

SCORPIO (Oktubre 24- Nobyembre 22) – May lihim na pagtingin ang isang kasamahan o kaibigan. Huwag bigyan ng pagkakataon na mapagsamantalahan ang iyong kabaitan. Mag-ingat sa paglalakad ng hindi madapa, matapilok o matalisod dahil magiging mahina ang bandang ibaba ng katawan. Lucky numbers at color for the day ang 3, 24, 38, 41 at lavender.

SAGITTARIUS (Nobyembre 23- Disyembre 21) –  Iwasan ang palaging pag-init ng ulo. Magiging lubos ang kaligayahan kung kasama ang minamahal. Mag-budget sa paggastos para may  maitabi sa kailangang gamit. Ang hindi pagkakaunawaan sa kaibigan o kasambahay ay magbubunga ng tensiyon. Lucky numbers at color for the day ang 7, 18, 29, 37 at white.

CAPRICORN (Disyembre 22- Enero 19) – Magiging masaya ang pakikisalamuhang sosyal kung bibigyan ng panahon. Ang tamang asal sa pananalita at pakikisama ay dapat pairalin. Bigyang halaga at panahon ang pag-aaruga ng kalusugan. Lucky numbers at color for the day ang 3, 11, 18, 36 at yellow.

AQUARIUS (Enero 20- Pebrero 18) –  Madaling pakitunguhan ang mga kaibigan. Ang samahang pang kaibigan ay posibleng mauwi sa pag-iibigan. Hindi ka makakatanggi ngayon, magbibigay ng tulong sa kaibigan na may kailangan. Lucky numbers at color for the day ang 2, 10, 16, 31 at pink.

PISCES (Pebrero 19- Marso 20) – Ang mga kaibigan ay maaasahan ng tulong kung kailangan. May pagkasensitibo ang minamahal kaya sikapin na magparaya at lawakan ang pang-unawa. Makakakilala ng bagong kaibigan na malamang makakatulong. Lucky numbers at color for the day ang 10, 14,33, 41 at strawberry red.

ARIES (Marso 21- Abril 19) – Isang kamag-anak o kasamahan ang malamang magkakaroon ng hinanakit. Ang pagpapahinga ay makabuluhan sa kalusugan. Umaayon ang panahon sa proyektong pang-komunidad. Mas mabiyaya ang nagbibigay kaysa tumatanggap kaya hindi maiiwasan na makapagbigay ng tulong. Lucky numbers at color for the day ang 1, 9, 18, 41 at tangerine.

TAURUS (Abril 20- Mayo 20) – Ang minamahal ay hindi magkakait ng tulong kung kailangan. May haharaping pagkakagastusan na hindi maiiwasan subalit ang magandang balita ay lumalandas ang suwerte. Lucky numbers at color for the day ang 2, 12, 33, 40 at orange.

GEMINI (Mayo 21- Hunyo 21) –  Umaayon ang panahon sa pakikipag-ugnayan sa mga kaibigan. Mangingibabaw ang kapusukan ng damdamin na dapat mapaglabanan dahil mapapahamak ka. Magiging abala sa mga gawain. Makiisa sa mga kasamahan para manatili ang harmoniya. Lucky numbers at color for the day ang 6, 18, 34, 38 at orange.

CANCER (Hunyo 22- Hulyo 22) – Isang bagong relasyon sa pag-ibig ang magbibigay sigla. Dahil sa kasiglahan, ano man ang hirap o bigat ng gawain ay magaan na mairaraos. Nakabuntot ang pagkakamali kaya konsentrasyon ang kailangan. Lucky numbers at color for the day ang 5, 16, 28, 32 at avocado green.

LEO (Hulyo 23- Agosto 22) –   Bagong pag-ibig ang uusbong. Simulan ang magtipid at mag-ipon para sa kinabukasan. Ang mahalagang bagay na gustong gawin ay maipagpapaliban. Walang problema sa trabaho ngunit may kaunting gusot sa tahanan o  sa relasyon. Lucky numbers at color for the day ang 4, 12, 23, 38 at brown.

VIRGO (Agosto 23- Setyembre 23) – Hindi magiging abala subalit maraming mahahalagang gawain na matatapos dahil sa angkin ang enerhiya ng sigla. Panindigan ang prinsipyo upang hindi maloko ng iba. Darating ang hinihintay. Hindi maiiwasan na may magselos. Lucky numbers at color for the day ang 7, 12, 21, 37 at jade green.

LIBRA (Setyembre 24- Oktubre 23) – Ang nakaraang suliranin ay maaaring makalimutan o magkaliwanagan sa harap ng kinauukulan. Magaan ang pasok ng pera sa negosyo. Umaayon ang mga masuwerteng pagkakataon kaya abangan at huwag paalpasin. Lucky numbers at color for the day ang 11, 20, 34, 41 at royal blue.