Pinaketeng shabu nasakmit
CEBU, Philippines – Nasakmit sa kapolisan ang pinaketeng shabu gikan sa gikatahapang pusher nga nadakpan sa buy-bust operation sa dalan Mabini, Poblacion, Liloan alas 3 pasado ang takna sa hapon niadtong Sabado.
Si PO1 Eden Pepito sa Liloan Police Station miila sa nadakpan nga si Johnny Quirol alyas Ongcoy, 44-anyos, ulitawo nga nagpuyo sa maong dapit.
Ang hepe nga si Senior Inspector Ramil Morpos maoy nangulo sa buy-bust human sa pipila ka adlaw nilang pagpaniid sa ilegal nga kalihukan sa suspek sa maong lugar.
Si Pepito miingon nga sagad nilang himuon human sa pagdakop mao ang pagrikisa ug ilang nadiskubrehan nga nagdala pa kini og dugang unom ka paketeng shabu.
Kasong kalapasan sa Section 11 sa Article II ubos sa Republic Act 9165 o Comprehensive Dangerous Drug Act of 2002 ang ipasaka batok kang Quirol kinsa temporaryo karong gitanggong sulod sa detention cell sa kapolisan. – /GMR) (BANAT NEWS)
- Latest
