Ang kaayo ug pagkamasinabtanon

Adunay duha ka mga matang sa personahe nga gipakita sa tag-iya sa parasan. Sa unang hut-ong giisip niya ang iyang kaugalingon nga employer ug sibo sa gikasabutan iyang gihatag ang ilang gipangayo nga suholan. Sa laing  hut-ong giisip niya ang iyang kaugalingon nga patron ug paryente alang kanila. Mao nga bisan pa man kun ulahi na sila nakatrabaho, iyang gihatag kanila ang maong suholan sama sa nahiunang mga trabahante. Mao nga kun buot hunahunaon walay katungod ang nahiuna nga magbagulbol. Ingon niini ang Ginoo alang kanato. Padayon siyang mohatag og kahigayonan ingon man panahon aron kita makabaton og kaluwasan bisan pa man tingali sa pagsalop sa atong kinabuhi. Apan sa laing bahin, wala kini magpasabot nga atong abusaran ang Diosnong Kaayo ug Paghigugma bisan pa man kun kini walay sukod.