Mituman sa kamandoan

CEBU, Philippines -  Gituman ni Cristine Reyes ang kamandoan sa ABS-CBN nga dili mahimong hisgutan ang pangalan ni Derek Ramsay kung mag-promote kini sa pelikulang Trophy Wife. Sa paglugwa ni Cristine sa It's Showtime sa miaging adlaw, wala hisguti sa aktres ang pangalan ni Derek.

Ai Ai inspired?

Adunay non-showbiz guy  nga interesado nga modiskarte ngadto kang Ai Ai delas Alas ug giingong aprobado kini sa mga anak sa komedyanteng aktres. Una na nga gipadayag ni Ai Ai nga gusto niya himoong pribado kung magka-lovelife siya og balik.

Proyekto gipadaplin

Adunay giandam nga proyekto ang GMA-7 alang kang Aljur Abrenica apan kasamtangang gihunong ang preparasyon niini gumikan sa hukom sa aktor nga mobiya sa maong network.

Marian gidedma  ni Lovi

  Wala tagda ni Lovi Poe si Marian Rivera sa dihang nagkaabot sila sa parking lot sa GMA-7 sa miaging adlaw.  Kuyog ni Marian niadtong higayona ang iyang boyfriend nga si Dingdong Dantes.  Giingong si Dingdong lang ang gitagad ni Lovi.  Suod ni Lovi ang aktres nga si Heart Evangelista kinsa taud-taud na nga kaaway ni Marian . Adunay mga pagduda nga tua lang gyud kang Heart ang simpatiya ni Lovi sanglit  sila man ang close.

Pauleen mihimakak

Gihimakak ni Pauleen Luna ang nitumaw nga mga istorya nga matud pa nag-away sila sa iyang boyfriend nga si Vic Sotto human siya nagselos sa duha ka mga babaye nga higala sa komedyanteng host.

Dakong buhi

Gikataw-an  lang ni  Vic Sotto ang nikatap nga link sa social media nga matud pa namatay na siya. Nasayran nga spam ang maong link.

Binuhat sa Italy

Ang  fashion designer nga nagbase sa Italy  nga si Korn Taylor maoy nagama sa gown nga gisuot ni  Lyca Gairanod sa The Voice Kids niadtong Sabado sa gabii.  Nakadawat og daghang suporta si Lyca gumikan sa hugyaw nga tingog niini.

Pito ka buwan

Miabot matud pa ngadto sa pito ka buwan ang pagpangulitawo ni Billy Crawford ngadto kang Coleen Garcia busa dako ang iyang kalipay sa dihang gisugot siya niini gumikan kay wala gyud nausik ang iyang effort.

Jolo mitambong sa concert

Mitambong si Jolo Revilla sa anniversary thanksgiving concert sa  Be Careful With My Heart sa  Smart Araneta Coliseum niadtong Biyernes. Suma pa ni Jolo nga nagsige og pahinumdumn kaniya  sa  maong kalihukan ang iyang uyab nga si Jodi Sta. Maria 

Lea nag-sorry sa fans ni Daniel

 Nangayo og pasaylo si Leah Salonga ngadto sa fans ni Daniel Padilla nga wala mahimuot sa iyang komento sa usa ka finalist sa The Voice Kids sa milabay nga gabii.

Nagamit matud pa ang pangalan sa aktor sa dihang nikomento siya sa performance sa alaga ni Bamboo Manalac nga si Juan Karlos Labajo kinsa nikanta og Runaway Baby alang sa Upbeat round sa maong show.

"I'm actually looking at you as a 13-year-old and see what you're going to be like five years from now.

"'Yong mga DJ na 'yan, wala, sorry, their names will be erased once you get to that age.

"Ang charm mo, talagang nagamit sa number na ito, e. "'Yong looks mo, 'yong charm mo, talagang gamit na gamit. Your coach picked the right song for you," mensahe pa ni Lea ngadto ni Juan Karlos.

Nasayran nga DJ ang angga ni Daniel busa niisa ang mga kilay sa fans sa aktor kalabot sa lenggua ni Lea.

Giklaro hinuon ni Lea nga wala siya'y intensyon nga mopasakit sa mga tawo.

"Ohhh dear... I offer my deepest apologies to Daniel P and his fans. In building up JK I neglected to think that I might hurt other people. I meant no disrespect, but I humbly ask for forgiveness if that's how it came across. Sana mapatawad po ninyo ako sa aking pagkakamali," tweet pa ni Lea.

Paolo dunay sex video?

   Trending karon sa  social media ang sex video sa babaye ug lalaki nga molungtad ngadto sa kapin sa unom ka minutos.

  Susama og dagway sa    TV 5 news personality nga si Paolo Bediones ang lalaki nga naa sa maong  video.

Samtang ang management sa TV5 mipadayag sa  ilang suporta ngadto kang Paolo. Suma pa sa maong network nga pribado o personal ang maong butang busa ilahang gikondenar ang mga tawong nagpakatap niini.  

 "We accord our employees and talents all respect that are due them for their privacy and personal action or decision.

"We disapprove strongly the malicious and wanton publication of the video, an act that clearly violates pertinent cybercrime laws.

"We firmly express our support for our anchor Paolo Bediones in the face of a controversy that represents nothing more than an attempt to smear his reputation," tipik sa stament sa TV5.

Sa pagsuwat niining balitaa, wala pa mohatag og official statement si Paolo kalabot sa maong video.