Kahiusa diha sa gugma

Ang pagtulon-an sa Santisima Trinidad mahinungdanon kaayo sa atong pagtuong Kristohanon ug Katoliko. Nahimo kining mahinungdanong kabahin sa atong kinabuhi ug sa atong panaw sa pagtuo. Ang Doktrina sa Santisima Trinidad nagkanayon nga dunay Tulo ka mga Persona sa usa ka Dios. Kini gilangkoban sa Amahan, Anak ug Espiritu Santo. Ang maong doktrina ang nipunting sa atong dakong bokasyon ingon nga katilingban nga gihiusa diha sa gugma. Sa atong pagsaulog ning Father’s Day karong Domingoha, hinaut unta nga ang mga Amahan mamahimong point of Unity sa daghanang mga tawo ning atong katilingban. Anaa man tuod ang kahuyangan apan ang Dios padayon nga maghimo kanila nga mga instrumento sa gugma ug  kadait ngadto sa uban. Hinaut pa unta.