Mixers, Texters pupuwesto sa quarters

MANILA, Philippines - Sumasakay sa magkaparehong three-game winning streak, pupuntir­yahin ng nagtatanggol sa koronang San Mig Coffee at Talk ‘N Text ang unang dalawang silya sa quarterfinal round.

Lalabanan ng Mi­xers ang bumabagsak na Alaska Aces ngayong alas-8 ng gabi, samantalang tatapatan ng Tropang Texters ang bumubulusok na Globalport  sa alas-5:45 ng hapon sa 2014 PBA Governor’s Cup sa Cuneta Astrodome sa Pasay City.

Huling tinalo ng San Mig Coffee ay ang Barangay Ginebra, 102-90, kung saan nakaharap ni headcoach Tim Cone ang dati niyang player at assistant na si Jeffrey Cariaso ng Gin Kings.

Sasandalan ng Mi­xers sina import Marqus Blakely, James Yap, PJ Simon, Marc Pingris at rookie Ian Sangalang.

Itatampok din ng Mi-xers ang mga bagong hugot na sina Ronnie Matias at 6-foot-8 Yousef Taha ng Batang Pier bilang kapalit nina Yancy De Ocampo at Val Acuna.

Sa unang laro, ibabandera ng Tropang Texters ang nagbabalik na si Paul Harris bilang kanilang pa­ngatlong import matapos sina Rodney Carney at Othyus Jeffers.

Ang 27-anyos na si Harris ang gumiya sa Tro­pang Texters sa titulo ng 2011 PBA Commissio­ner’s Cup.

Umiskor ang Talk ‘N Text ng 102-91 panalo kontra sa Air21 noong Hunyo 2.