Team-C temporaryong nagsolo sa liderato

CEBU, Philippines -  Miarangkada na sab ang Team-C aron morehistro sa ikaupat nilang sunod-sunod nga daog batok sa Team-E, 91-81 sa nagpadayong aksiyon sa Dayon Basketball Club (DBC) 10th Conference Summer League didto sa Benjamin Solon Memorial Gym sa barangay Cogon Ramos, ning siyudad.

 Ang Team-C nga pabiling walay pilde sa upat ka duwa temporaryong nag-una sa standing gipangulohan ni Ongie Cuizon, kinsa mipabuhagay og 22 puntos. Sila si Edzel Maning ug Jojo Mante miabano'g 13 ug 10 puntos matag usa.
 Si  Roel de Guzman nga mikimada'g 18 puntos mao sab ang nangulo sa napildeng Team-E, kinsa wala pa gyud makatilaw og daog sa upat nila ka duwa. Miiskor sab og double figures si Kenneth Montinola sa iyang 13 puntos.
 Sa pasiunang duwa, ang Team-B milubong sa Team-A sa iskor nga 83-71 alang sa ilang 4-1 nga baraha.
 Kontrolado sa Team-B ang kinatibuk-ang duwa diin si Rheo Mendoza mikabyag 14 puntos aron pangulohan ang kadaugan. Sila si Reynaldo Zamora ug Mike Llagas mikandos og 12 puntos matag usa, samtang si Carlo Miñoza miariya'g 10 puntos. Ang naparot nga Team-A, kinsa nagbitbit og 1-3 nga baraha gipangulohan ni Aaron Bacalla pinaagi sa iyang 13 puntos. Tulo niya ka teammates nga silang Francis Ferrer, Barkley Miñoza ug Jeffrey Masbate parehong mitimang og 10 puntos. Ang mga duwa sa DBC Summer League 2014 gidumala ni league organizer Allan Abella.

puntos matag usa

Unang duwa:
 TEAM-B (83)– Mendoza 14, Zamora 12, Llagas 12, Miñoza 10, Arellano 8, Ramos 6, Endab 6, Traya 6, Regidor 4, Ducay 2, Pada 2, Abrio 1.
 TEAM-A (71) – Bacalla 13, Ferrer 10, Miñoza 10, Masbate 10, Sanchez 6, Tancio 5, Jayme 5, Powao 4, Lines 4, Canaya 3, Casas 1.
Ikaduhang duwa:
 TEAM-C (91) – Cuizon 22, Maning 13, Mante 10, Hipos 8, Barrida 8, Sabal 6, A. Abella 6, Cabantog 4, J. Abella 4, Fuentes 3, Verano 3, Apao 2, Tausa 2.
 TEAM-E (81) – R. De Guzman 18, Montinola 13, J. De Guzman 8, Galon 8, Panerio 6, Limana 6, Mulchandani 5, Santarita 5, Colona 4, Alcover 4, Santiago 2, Arriola 2. (BANAT NEWS)