Project Iris ilusad sa PRO7 vs terorismo ug krimen

CEBU, Philippines - Ilusad sa Police Regional Office 7 ang Project Iris nga usa ka online sharing data-base sa kapolisan.

Matud pa sa Regional Director sa Police Regional Office 7 nga nahinabi sa mga tigbalita nga ang maong proyekto mao ang labing una sa nasud.

Tumong niini ang pagbutang og data base pinaagi sa internet aron magamit sa kapolisan sa pagpangita ug pag-ukay kun duna bay criminal record ang usa ka tawo.

Dugang ni Constantino nga dali rang makita sa kapolisan bisan asa sa rehiyon kun duna bay criminal records ang usa ka tawo sa bisan asang dapita sulod sa Central Visayas.

Matud pa ang maong online data-base unang ipatuman sa mga provincial units matud pa ni Constantino.

“Naka-link ito sa mga units ng provincial headquarters,” matud ni Constantino.

Dugang sa opisyal nga kini mamahimo unyang best practices sa kapolisan ug kun malampuson kini pwede kining sundon sa tibook nasud.

Dugang ni Constantino nga ang labing dakong tinguha sa maong proyekto mao ang pagpakigbatok sa terorismo ug sa kriminalidad.

“Ito ay isang intel (intelligence) project na ila-launch to counter terrorism,” dugang ni Constantino. Apan iyang gitataw nga lahi sab ang ilang lakang nga gihimo sa pagpakigbatok sa cyberpornography.

Sumala pa ni Constantino nga iyang gimandoan ang hepe sa Criminal Investigation and Detection Group nga hingusgan ang kampanya sa cyberporn.  (BANAT NEWS)