Kun mabasa ang cellphone

CEBU, Philippines - Daryl 's Cell Shop sa Leon Kilat St., Cebu City

Maayong adlaw nga Domingo mga suki sa Banat In nga mabasa sa kinaham ninyo nga mantalaan, ang Banat News.

Bisan kinsa kanato ang magmasulub-on gyud kung ang atong cellular phone  mabasa ilabi na nga maabtan kita og ulan unya nakalimot ka og dala og payong o ba kaha natagak kini sa lugar nga dunay tubig.

Aduna ko'y simple nga pamaagi aron maluwas pa ang imong cellphone. Apan kung dili gani magsilbi ang tips nga akong ihatag kaninyo, nagpasabot kana nga angayan ka na nga magpakitabang og  technician.

Tips kung mabasa ang imong cellphone:

• Kuhaa og dali-dali ang battery sa cellphone, tangtanga ang battery ug dayon paugha.

• Trapuhi og limpyo nga panapton ang cellphone ug paugha kini pinaagi sa hangin sulod sa 24 oras.

• Ibutang sa bugas ang cellphone (walay battery)  kay mo-absorb man kini og moisture.

• Pahimangno lang, ayaw pagamit og blower sa pagpauga sa cellphone.

• Kung dili gani matabang, iadto kini sa technician gumikan kay basin dunay ubang unit sa cellephone ang sensitibo kaayo kung mabasa.