Deped patubagon tungod sa anomalya pagpalit og libro
CEBU, Philippines - Patubagon sa Commission on Audit ang Department of Education nganong nagpapalit kini og mga libro sa kagamhanan sa dakbayan sa Toledo nga wala sa listahan sa DepEd.
Ang dakbayan sa Toledo nigasto og P4,791,500 sa pagpamalit sa mga libro nga wala nagsubay sa Orders resulta sa kahiwian sa pagpamalit.
Sa 2012 audit report, nasuta sa COA nga ang Assistant Schools Division Superintendent sa DepEd-Toledo nagpapalit sa mga libro sa Math for Life 1 ug Math for Life 2 sa Rex Bookstore sa Manila.
Apan sa pakisusi sa COA nasuta nga ang maong mga libro wala sa listahan sa DepEd.
Nunot niini ang COA nimando sa hingtungdang opisyal sa DepEd-Toledo sa pagpa-esplikar nganong nagpapalit kini sa maong mga libro nga wala subaya ang kamandoan sa ilang departamento.
Lakip sa manubag mao ang Bids and Awards Committee nganong nipadayun kini sa pagpamalit nga wala subaya ang gimando sa DepEd.
Dugang gimando sa COA mao ang pagduso sa mga dokumento nga magsuporta sa maong transaksiyon. (BANAT NEWS)
- Latest
