Junior Altas overall champion sa NCAA Season 99
MANILA, Philippines — Hinirang ang University of Perpetual System Dalta Help Junior Altas bilang Best Performing Member School o Overall Champion ng National Collegiate Athletics Association (NCAA) Season 99 sa isang turnover ceremony ng Season 100 host Lyceum of the Philippines University sa Casino Espanol De Manila sa TM Kalaw, Ermita, Manila.
Tinanggap nina UPHSD president at NCAA Policy Board Member Dr. Anthony Tamayo at Management Committee (ManCom) representative Franck Gusi ang tropeo mula sa Season 99 Host JRU.
Nauna nang iginawad sa Junior Altas ang General Champion ng Season 94 bago nagkaroon ng pandemya.
Ang Juniors Altas ang kumopo sa track and field title sa pamumuno ni Rookie of the Year at Most Valuable Player (MVP) Marvin Ramos matapos humakot ng mga gold medals sa 100 meters, long jump at sa 4x100m at 4x400m relay teams.
Kinilala naman si Junior Altas head coach Philip Silloco bilang Coach of the Year.
Nagtakbo ang mga Junior Altas tracksters ng kabuuang 804.5 points sa 18 events para makopo ang korona kasunod ang Jose Rizal Light Bombers (657.25 points) at Arellano Braves (503 points).
Wagi rin ang Junior Altas sa 3x3 basketball at sa girls volleyball sa paggabay nina coaches Jason Sapin at Sandy Rieta.
- Latest