Dionela engaged na sa jowa

MANILA, Philippines — Masaya ang mga tagahanga ng beteranang libero na si Jheck Dionela sa desis­yong makipag-engage sa jowang si Alon Untalan.

Sa post ng kasaluku­yang miyembro ng Farm Fresh Foxies na si Dionela sa kanyang social media, pinutakte ito ng pagbati mula sa kanyang mga kaibigan at mga tagahanga.

“For you, a thousand times over,” post ni Dionela, kasama ang litrato ng isang singsing at hashtag na #YES.

Dating manlalaro si Dionela ng Cignal HD Spikers, 11 taon siyang naglaro ba­go ang biglaang paglipat sa Farm Fresh simula sa All-Filipino Conference ng PVL.

Lubos ang kagalakan ng dating national team player matapos ang pagpa­hayag ng kanyang kasintahan ilang araw bago ma­tapos ang taong 2024.

Sakto ang araw ng pagpapahayag ng planong pag­papakasal dahil kasalukuyang tigil ang aksyon upang mag-celebrate ng holiday season.

Tangan ng Farm Fresh ang 2-3 panalo-talo kartada kung saan nagawa muna nitong itala ang makasay­sa­yang magkasunod na dalawang panalo bago na­talo sa sister team na ZUS Coffee.