Spillway sa Talisay ‘pabombahan’ unta
Kini human si Gullas inubanan sa taga Department of Public Works and Highways (DPWH) ug sa City Engineering Office kumbinsido nga ang spillway maoy hinungdan nga nahugno ang riprap sa Gawad Kalinga (GK).
Si Gullas niingon nga niawas ang tubig sa sapa tungod kay ang spillway maoy nakababag sa agianan ug adto nipuntariya sa riprap.
Ang riprap ang giangkon ni Marciano Parba kinsa nigasto og P300 mil aron dili na sila ug ilang silingan motaak sa sapa matag adlaw.
Giangkon ni Parba nga wala sila'y permit sa paghimo niini. Si City Engr. Gamaliel Vicente nitug-an nga wala sila nihatag og permit ni Parba dihang nangayo kini panahon pa sa kanhi administrasyon.
Apan giingon nga gipadayon gihapon ni Parba ang iyang tinguha.
Matud ni Gullas nga bisan og adunahan ang usa ka tawo wala gihapon kini personalidad sa pagtukod og bisan unsang istraktura sa bisan asang lugar ilabi na supak ang gobiyerno.
"Tangtangon gyud. Bombahan man unta gani," nagkanayon si Gullas.
Hinuon si Gullas ang nimando na ni Vicente sa pagsusi sa lugar kun asa dapit ang angayan nga butangan og agianan ang mga tawo.
Siya nitataw nga dili na kinahanglan nga mohangyo si Parba ug ang katawhan kaniya tungod kay nahibawo na man siya unsa ang ilang problema. Hugtanon sab nga gibarugan ni Vicente nga wala nila giguba ang spillway apan giguba kini sa grabeng bul-og sa tubig atol sa kusog nga pagbunok sa uwan.
Sa nasayran sila si Parba ug mga silingan nipasangil nga giguba sa taga City Hall ang ilang spillway nga ilang agianan. (BANAT NEWS)
- Latest
