TAMDANAN ALANG SA PAGSANTA SA KRIMINALIDAD: Alang sa Kapistahan sa Batang Hesus Senyor Santo Niño de Cebu para sa Enero 19-20, 2013

I. Mga pamaagi aron luwas diha sa kadalanan o gawas sa atong panimalay kon mosaksi sa mga kalihukan sa Sinulog 2013:

1. Dili magsul-ob og mga mahalon nga mga alahas aron dili mabiktima sa mga mangungoot ug snatchers;

2. Dili magdala og dagkong kantidad nga kwarta;

3. Dili magdala og mga mahait nga mga butang o hinagiban;

4. Likayan ang pagdala og mga mahalon nga mga gamit sama sa cellphones, I-pads, cameras, ug mga laptops;

5. Likayan ang pagdala sa private cars aron dili mahasol sa sobrang kahuot sa trapiko;

6. Dili magdala og mga gamay’ng mga bata;

7. Likayan ang paglakaw sa mga mangitngit nga lugar nga mag-inusara.

II. Mga Angayan nga buhaton:

1. Isumbong o i-report gilayon sa labing duol nga pulis nga inyong makita diha sa kadalanan o sa labing duol nga kwerpo sa kapulisan alang sa hinanaling pulis aksyon kun adunay problema;

2. Sayron daan ang mga contact numbers sa atong kapulisan aron dunay kasumbongan kun adunay moabot nga problema;

3. Sayron daan ang mga kalsada nga apektado sa temporaryong pagsira alang sa kalihukan sa pagsaulog sa tinuig nga pagsaulog sa Sinulog sa Sugbo aron dili makasinati sa kahuot sa trapiko;

4. Magtaod og “name tag” sa mga gagmay’ng mga bata nga dad-on atol niining panahuna;

5. Maminaw sa mga pahibalo sa mga otoridad alang sa pagpatuman sa kahusay, kahapsay ug kalinaw sa pagpahigayon sa tinuig nga pangilin sa batang Hesus, Senyor Santo Niño;

6. Mosanong o motuman sa mga lagda nga ipatuman sa atong mga otoridad diha sa kadalanan nga apektado sa pagpahigayon sa prosesyon og Grand Mardigras o Grand Parade;

7. Ilabay ang mga basura sa saktong labayan aron pagmentinar sa kalimpyo sa syudad sa Sugbo.

For police assistance, please contact the following numbers:

CCPO Operations Branch (032) 233-6705/233-0762 or 0917-3057699 or MPG 166 (FREEMAN)