Sa Dihang Nag-Backstroke ang Langaw sa Akong Kape

Maayo ang akong pag-mata,

Laing adlaw na usab.

Unsa kaha ang naghulat kanako karong adlawa?

Lami kaayo ang akong pagkatulog,

Kay bugnaw ang kagabhion.

Tungod sa paguwan-uwan kagabii,

Hangtud na sa pagkakaadlawon.

Akong gipangaliyupo sa Kahitas-an,

Nga unta, ang akong adlaw magmabungahon,

Ug i-iway batok sa mga butang nga dili maayo.

Lami sugdan ang adlaw, pinaagi sa paghigop ug init nga kape,

Dayon ug pakli sa pahina sa mantalaan.

Aron pagusi sa mga panghitabo sa katilingban,

Ug ubang dapit sa kalibutan.

Ayay, wa na sab moigo ang akong gipustaang numero sa lotto!

Sagdi lang, sa sunod na sab nga bola.

Yawat na lang, mahaw-as sa kalisdanan ug sa kasamtangang kahimtang.

Sa akong paghigop sa lamiang kape,diha may kagumkom nga sama sa mani,

Akong nabatyagan sa akong baba.

Basin ug liso sa tanum nga kape, wa ma tarung ug galing,

Ako lang pamasin.

Nakabugwak ug ahat sa akong kakurat --

May langaw man diay nga nag sawum-sawum sa akong kape.

Ako nakapangutana , nag backstroke na kaha ni siya o nag butterfly stroke?

Tukma sab. Kay hapit na man ang Olympic games,

Pila na lang mga adlaw, makig harung na usab

Ang mga atleta sa ubang nasud,

Apil ang mga garbo sa Pilipinas

Nakabugwak na sab ko's akong kape,diin nag backstroke ang kadtong langaw nga kagumkom.

Kay akong nasayran sa mantalaan nga napulo'g usa ra diay,

Ang delegado sa Pilipinas nga ipadala sa London.

Aron yawat na lang maka angkon,

Sa dugay nang gipangandoy nato nga medalyang bulawan.

Akong gihuna-huna, mamahimo pa lang maka-apil,

kadtong langaw nga kagumkom sa swimming.

Makadaug gyud ta!

Basin.