Wala ko nalang tugkara ug damha pa
Kung unsa pa ang gatambo kong ugma
Dili ko nalang kini suwayan ug tagna
Isalig nalang sa tawong kita punay nga nangaliya….
Kang kinsa man ako nga gawas kaniya mosangpit
Wala ma'y tawo nga mosulod niining masupilong pangisip
Di ko nalang suyawan ug hubad ang linubid sa pisi
Wala ko'y kusog kay kamot grabe man ang pagkasampid…
Gasipok na ang akong ulo samtang gakusmod
Daw gitabyogtabyog sa dagkong mga bawod
Dili ko gayud hisabtan mao ihangad sa panganod
Duyog sa paghilak niini uban sa kilat ug dugdog…
May bili pa kaha kining akong paningkamot?
Nga sa wala'y hinungdang butang mao'y mikadhot
Sama sa tubig nga lubog sa atabay nga gipanglumot
Kining akong panglantaw hilabihan man kagubot…
Nakapanghupaw nalang ako sa gidangatan ko
Gusto ko man puuhon kining ginhawa apan di makaako
Wala ako'y katungod nga kini itukmod palayo sa akong anino
Bisan paman ako tawo sa tintal sa kasaypanan huyang kaayo…