"Teting"

Gipanumpa ko na sa buwan ug sa mga bitoon sa kalangitan

Nga ang paghigugma ako na gyud nga talikdan

Pero wala ko damhang dili diay nako mapugngan

Ang panaad nga kining butanga dili ko tugtan.

Sa matag higayon nga ako mubalibad sa gibati

Ang mga pitik niining dughan ko akong ma-sinati

Kung imung dagway na ang naa sa akong hunahuna

Akong kaguol mawala ug ang langit maghimaya.

Kanunay lang gyud nagakislap ang imong mga mata,

Mutyang perlas ka nga nahiusa ra.

Ikaw ang pinakatam-is nga musika,

Ang kanindot sa imong sayaw nagpahunong akong ginhawa.

Pero bisag ako karon nangandoy ra,

Dili gihapon ko mawagtangan og paglaum.

Nga usa ka adlaw ikaw akong maila-ila,

Ug mahimo ko nimong higala.

Susama ka sa kampana nga gabagting-bagting

Sa sulod niining akong kasingkasing

Ikaw ang pinakamaanyag nga dalaginding

Kristel Pacana nga giangaan og Teting.