Lupad, Batman Kong Tabanog, Lupad (Cinqains)

CEBU, Philippines - Karon

Paluparon –

Batman kong tabanog,

Pasakdapon ko sama sa

Banog!

Hayag Ang midan-ag,

Sa talon sa langit –

Sakdayay’g tabanog maoy

Dalit!

Hangad

Sa masangkad,

Tabanog sakdapon…

Kun kinsay modaog maoy

Lig-on!

Unya,

Dayag makita,

Batman ko nahagtos –

Ug mikiay paingon sa

Ubos!

Tataw

Nga matan-aw,

Dunay kahaguka:

May modaog, may pilde ang

Sangka!

Kita –

Mao kita…

Tawo, may kaalam –

Sa tanang sangka kanunay’ng

Andam!

Karon

Aninawon,

Lahi na mga porma,

Langgam nay dagway sama sa

Agila!

Lantaw

Sa matan-aw,

Tigi sakdapanay –

Sangka maghugyaw’g katawa,

Lipay!