Hala! Dagan Kawatan!
Takas na dayun sa katilingban.
Tago-a ang walay hinungdan nga binuhatan,
Kay basin ikaw masakpan ug masilotan.
Hala! Asa naman imong konsensya?
Sakto ba nga mangawat para sa pamilya?
Nganong dili man maghago sa trabaho,
Maningkamot para mo-asenso.
Hala! Dagan Kawatan!
Adto na dayun sa prendahanan.
Ilisan man lang ang alahas sa kwarta,
Para ikapakaon sa pobreng pamilya.
Hala! Nakalimot na ba intawn ka?
Nga ang Ginoo nagbantay ra.
Dili baka mahadlok nga magabaan?
O ikaw naanad nalang.
Hala! Dagan Kawatan!
Kaluoy intawn sa imong nakawatan.
Nalabnit lang ang ilang hinaguan,
Sa desperado nga tulisan.
Hala! Undanga na intawn na!
Kay ang gaba dili ra ba magsaba!
Ang pagbag-o unta imong atimanon,
Ug mga maayo ang perming huna-hunaon.