Ako kuno bayot

Matud sa among mga silingan,

Tawo sama nako usa ka mahuyang.

Ang ilang gipangyawit kahibudngan,

Tumong lamang nila, ako pakauwawan.

Sayo akong mopukwat ug mobangon,

Aron mag lung-ag og among kan-on.

Unsa man unya ang among ipamahaw,

Ug way magluto, mag agwanta lang unya og bahaw.

Manglaba sa akong mga sapot.

Manglimpyo sa balay nga hilabihang kagubot.

Manilhig sa nataran sa among panimalay

Inig kahapon mamukwas sa among mga hinay-hay.

Mao kini ang akong tulumanon matag adlaw’ng tanan,

Ilabi na kay sa pamilya kay ako ang kamaguwangan.

Kana ang akong tampo sa akong mga ginikanan,

Aron sab magaan-ganaan sa ilang mga kalisdanan.

Bayot ba diay nang maka mao motrabaho,

Manglaba, mangluto ug maglimpyo,

Mga buluhaton sa panimalay ako makamao,

Kana ra ang akong pinobre nga ikapasigarbo.

Ang tawo nga dili makamao manglihok-lihok sa balay,

Sa ilang mga kaugalingon dili makabarog dili hayahay.

Magsalig ba lang gihapon ‘ta ni mama ug papa,

Dili sa tanang panahon anaa sila.