Isda ug utanon

Gikonsiderar karon sa Departamento sa Agrikultura ang pag-angkat og isda ug utanon sa gawas sa nasud aron mapagaan ang epekto sa sunod-sunod nga bagyo sa local nga supply alang sa pa gseguro nga dili mahutdan niini ang nasud.

Gibutyag ni Agriculture Assistant Secretary Arnel de Mesa nga ang gisugyot nga importasyon gitumong sa pagpugong sa pagsaka sa presyo sa sa isda ug utanon aron maseguro nga sakto ra ang gidaghanon sa pagkaon nga ibaligya sa mercado.

Gitun-an karon sa Departamento sa Agrikultura ang sugyot nga moangkat og 8,000 metriko tonelada nga isda.

Kun ugaling madayon, posible kining moabot sa unang duha ka semana sa Disyembre. Ang angkaton nga isda dugang na kini sa unang 30,000 metriko tunelada nga gitugotan ni Secretary  Francisco Tiu Laurel sayo ning tuiga nga nagtumong sa pagpundo og daghang isda panagana sa temporaryo nga fishing ban.

Wala gitug-an ni de Mesa pila ka tunelada ang angkaton nga utanon sa gobiyerno.

Mao ra bay sulbad sa kakuwang sa utanon ug isda ang pagpamalit niini sa gawas sa nasud? Ngano kaha nga daghan man og isda ug utanon ang mga nasud nga Angkatan niini sa nasud? Nganong nihit man ang isda ug utanon dinhi sa nasud? Wala makapangotana niini si DA Secretary Laurel aron dinhi magsugod ang DA sa pagpangita og sulbad sa suliran?

Basi sa datus sa Philippine Statistics Authority sa tuig 2019, ang Pilipinas adunay 675,726 ka ektarya nga gitamnan og utanon nga mohatag og 5.58 metriko tunelada nga ani. Kining maong gilapdon sa gitamnan og utanon dili pa diay kini igo sa gikinahanglan nga utanon? Daghan diay nato ang kusog mokaon og utanon?

Nganong dili naman lang agnihon sa gobyerno ang katawhan sa pagpananum og utanon aron dili na ta mamalit didto sa gawas. Kanang agni nga makapadani. Ngano kahang migamay man ang isda sa Pilipinas? Kay kusog ta mangaon og isda?