Uma gisapot sa "holding hands" chuva nila ni Paolo

Gisapot ang kontrobersyal nga kanhi Pinoy Big Brother Housemate nga si Uma Khouny sa intriga nga unang nagsugod isip blind item, diin gikataho nga nakit-an silang duha ni Eat Bulaga host Paolo Ballesteros nga nag-holding hands nga nanulod sa usa ka apartelle sa Makati Avenue.

Matud ni Uma nga wala siya makasabot sa kultura nga Pilipinhon tungod kay kun makit-an ka nga dunay kauban nga lalaki, bayot na ang pagtoo sa mga tawo nimo. Suma pa niya "ka-cheapan to the highest level" ang maong isyu tungod kay dili siya tanga nga makig-holding hands sa Makati Avenue pa nga daghang tawo.

Apan ang gikalagotan niya og maayo mao nga lima na ka buwan nga wala sila magkita ni Paolo sanglit busy siya sa trabaho. Matud pa niya niadto hinoong nagsige pa sila og laag walay isyu nga migawas. Tug-an pa niya, tungod sa badminton, nagka-amigo sila ni Paolo nga gipanalipdan niya sa mga intriga nga matud pa usa ka bayot.

Matud ni Uma nga wala pod siyay "paki" sa mga tawo nga nagtuo nga bayot sila, ila kanang opinyon suma pa niya, importante nasayod siya og unsa ug kinsa siya.

Idugang pa niya open-minded siya sa 'sex' apan never nga magpabayad siya tungod kay dili siya "cheap.'