Angayan mag-beauty queen
CEBU, Philippines - Giingnan si Ria Atayde sa iyang mga higala nga mosalmot sa mga indigay gumikan kay pasok kaayo ang iyang beauty. Pipila na ka beauty pageant handler ang nitanyag kang Ria apan puros niya kini nga gipangbalibaran gumikan kay dili pa siya andam sa maong butang.
Todo trabaho
Kadiyot ra kaayo makapahuway si Paulo Avelino gumikan kay duha ka mga serye ang kasamtangan niya nga gitrabaho karon sa ABS-CBN . Gawas sa Victims of Love, nalakip usab siya sa seryeng The Promise of Forever kun diin kauban niya sila si Ritz Azul ug Ejay Falcon. Mapasalamaton si Paulo sa dakong pagsalig sa iyang mother network kaniya.
Ronnie mihimakak
Gibutyag ni Ronnie Alonte nga dili tinuod ang nitumaw nga istorya nga matud pa duna sila’y relasyon ni Vice Ganda. Taod-taod na ang maong tsismis ug karon lang nakahigayon og tubag si Ronnie kalabot niini.
Tsismis lang
Hugtanong gihimakak nila ni Mark Herras ug Winwyn Marquez ang taho nga nagbuwag sila. Nagkuyog pa ang duha nga nanan-aw og Beauty and the Beast sa miaging adlaw . Gi-private ni Mark ang setting sa iyang Instagram account aron malayo sa intriga.
Lahi ang prayoridad
Bisan pa man nga nagkalig-on ang ilang relasyon, gitataw sa singer nga si Christian Bautista, wala pa gyud sa iyang hunahuna nga magpakasal sa iyang non-showbiz girlfriend nga si Kat Ramnani. Matud pa sa singer nga daghan pa sila og prayoridad sa ilang kinabuhi.
Giidolo si Shawn
Nasigpatan sila si Liza Soberano ug Vice Ganda nga nitan-aw sa concert sa Canadian pop sensation nga si Shawn Mendes niadtong Sabado sa SM Mall of Asia Arena.
Suma pa ni Liza nga fan gyud siya ni Shawn busa wala niya palabya ang maong concert.
Ellen gitambagan ni Beauty
Gitambagan ni Beauty Gonzales ang iyang suod nga higala nga si Ellen Adarna nga mag-ampo aron maabot ang “right guy” sa iyang kinabuhi.
“Prayers lang 'yan. Totoo. Good things happen to good people. Lagi ko namang sinasabi sa kanya na ‘you’re a good person. It will come to you. Huwag ka masyadong atat,” suma pa ni Beauty.
Ikaw na Martin!
Ang beteranong singer nga si Martin Nievera maoy nikanta sa US national anthem sa wala pa sugdi ang duwa sa Golden State Warriors ug Milwaukee Bucks niadtong Domingo. Dakong garbo alang kang Martin nga nahimo siyang kabahin sa maong duwa.
Karaan time
Laing dance video ang gipasikat karon ni Ella Cruz ug niining higayona, gisayaw niya ang '90s hit song nga "No Scrubs. Matud pa ni Ella nga paborito kaayo niya ang maong awit. (BANAT NEWS)
- Latest