NBTC Cebu finals banatan karon sa Capitol Parish Gym
CEBU, Philippines - Ang four-time CESAFI champion Sacred Heart School-Ateneo de Cebu (SHS-AdC) Magis Eagles ug ang University of the Visayas (UV) Baby Lancers maglabok na sa Game-1 sa “best-of-three” SM National Basketball Training Center (NBTC) Cebu division finals karong udtong tutok diha sa Capitol Parish Gym.
Apan mas sadya ang Game-2 karong Domingo sa alas-2:30 sa hapon didto sa Minglanilla Sports Complex gumikan kay pagatambongan kini og dul-an sa 3,000 ka libo ka mga batan-ong estudyante sa maong dapit.
Mopadala ang Sisters of Mary School-Boystown sa Tungkop, Minglanilla sa tanan nilang 1,600 ka mga estudyante aron moabiba sa mga magduduwa sa duha ka kampo.
“The boys were screaming with delight when I announced the good news that they are going to watch a live basketball game and it's a championship. They are all very happy because it is a one-of-kind experience for them,” matud pa ni SOMS-Boystown Principal Sr. Liliveth P. Gustilo.
Samtang ang UV-Minglanilla pinaagi sa Physical Education coordinator niining si Edwin Espanol mopadala sab og kapin sa 1,000 nilang mga tinun-an aron mosuporta sa Baby Lancers.
“Me too is very excited on the reaction of the kids because this is the first time that they will be able to watch a basketball championship match right before their very eyes. Providing them an exciting and highly entertaining hardcourt action is something that they will surely cherish,” matud pa ni Espanol.
Ang Baby Lancers nakasud sa finals human midaog pinaagi sa ‘default’ batok sa Cebu Eastern College (CEC) Dragons nga wala makatunga sa ilang duwa, samtang ang Magis Eagles miabante sa kampiyonato human gidagit ang University of San Carlos (USC) Baby Warriors, 80-38. (BANAT NEWS)
- Latest
